Monbus Obradoiro colabora con Proxecto Home Galicia

Comparte nas túas redes sociais:

O Monbus Obradoiro colabora con Proxecto Home Galicia

O encontro que enfrontara ao Río Natura – Monbus e ao Valencia o vindeiro 16 de novembro será tamén o escenario no que, unha vez máis, o deporte amose a súa faciana máis solidaria.

O Obradoiro pon a dispor de Proxecto Home Galicia un determinado número de entradas que se venderán a 10 €, do que a metade deste importe contribuirá ao mantemento das programas que Proxecto Home Galicia desenvolve en Compostela dende hai case 24 anos.

Para apoiar esta iniciativa a rolda de prensa previa do adestrador o 14 de novembro, tivo lugar nas instalacións de Proxecto Home.

Ademais, o Obradoiro facilitará a Proxecto Home Galicia un espazo no Pazo Multiusos “Fontes do Sar” no que informar dos programas e actividades que desenvolve e, deste xeito, sensibilizar á sociedade compostelá sobre os prexuízos e problemáticas que está a causar o consumo de drogas e alcohol.

Durante o partido do 16 de novembro pola megafonía do Pazo Multiusos “Fontes do Sar” ofrecerase información sobre Proxecto Home Galicia.

Por último, a directiva do club santiagués entregará a Proxecto Home Galicia unha camiseta asinada por todos os xogadores.

Usuarios de Proyecto Hombre Granada visitan Proxecto Home Galicia
Proxecto Home Galicia, foi escollido para participar no Programa EFQM de Obra Social de Caixa Galicia
Amigos de Galicia prestará axuda a Proxecto Home