programas para a inserción laboral

Comparte nas túas redes sociais:

Proxecto Home inicia varios programas para a inserción laboral

Proxecto Home Galicia planea poñer en marcha varios programas de reinserción laboral que contribúan a normalizar a vida dos usuarios dos seus centros, unha vez superados os procesos de desintoxicación na asociación que dirixe Ramón Gómez Crespo.

Agrogandería, xardinaría, un albergue de peregrinos e unha escola de equitación en Cernadas son algunhas das liñas que se formulan, e así comunicóuselle aos socios que acudiron á asemblea da Asociación de Familias e Amigos de Proxecto Home que se celebrou onte no centro de acollida de Santiago.

A asemblea valorou positivamente as actividades desenvolvidas ao longo do 2012. Aínda a pesar da situación de crise que tamén se deixa notar neste tipo de servizos asistenciais, Proxecto Home incrementouse en 64 socios o ano pasado, ata situarse nos 4.213, a maior parte deles, case 2.000, na provincia da Coruña.

A entidade conta para o 2013 cun presuposto de 89.000 euros e os seus directivos confían en obter os recursos necesarios para poñer en marcha os programas de reinserción laboral.

Proxecto Home Galicia, foi escollido para participar no Programa EFQM de Obra Social de Caixa Galicia
A Unión de Hostaleiros de Ourense e Proxecto Home asinan un Convenio de Colaboración
XXV aniversario da Asociación Proyecto Hombre