Un grupo de usuarios de Proyecto Hombre Granada, encabezados polo Presidente, Manuel Mingorance e acompañados de profesionais e voluntarios desta institución chegaron esta mañán a Santiago de Compostela despois de percorrer un tramo do Camiño de Santiago, concretamente dende Triacastela.
Despois de visitar a cidade acodiron a Misa do Peregrino na Basílica Compostelana e foron recibidos na Praza do Obradoiro polo Presidente de Proxecto Home Galicia, Ramón Gómez Crespo que acompañou o grupo ata a Comunidade Terapéutica “As Cernadas” no Concello de Val do Dubra.
Neste centro compartiron o xantar cos usuarios e equipo terapéutico e, a continuación visitaron as instalacións.
Seguidamente,desprazaronse a Santiago de Compostela para coñecer o centro recén inaugurado no Paxonal, construido e financiado pola Fundación Amancio Ortega.
