Hoxe, ao celebrar o 35º aniversario de Proxecto Home Galicia, é o momento perfecto para deternos un instante e recoñecer o inmenso traballo que realizamos xuntos durante todos estes anos. Foron máis de tres décadas de dedicación, esforzo e entrega incansable por garantir unha atención de calidade, próxima e humana ás persoas en tratamento e ás súas familias.
Grazas ao compromiso diario, fomos quen de ofrecer apoio, esperanza e ferramentas para transformar vidas e deixar pegadas indelebles en quen confía en Proxecto Home Galicia.
Grazas tamén a todas as persoas que, dunha forma ou outra, foron parte da nosa historia e contribuíron a que chegásemos ata aquí: voluntarios, colaboradores, patrocinadores, Padroado da Fundación Monte do Gozo, Asociación de Familias, institucións públicas e privadas…
Con todo, este camiño non se detén aquí. Sigamos avanzando coa mesma forza e determinación que nos permitiu converternos nun referente no ámbito das adiccións. Non baixemos a garda. Hoxe máis que nunca, é esencial manter vivo o ánimo e a esperanza, porque cada día é unha nova oportunidade para marcar a diferenza.
Parabéns por estes 35 anos e por todo o que xuntos acadamos!
Continuemos traballando co corazón e mirando cara ao futuro con ilusión.
