Asociación "Proyecto Hombre"
O 30 de Maio de 1986 constitúese a ASOCIACIÓN “PROYECTO HOMBRE”, inscrita co nº 88.477, no Ministerio do Interior, e que se rexerá polos principios da carta fundacional que ten como puntos fundamentais:
- "Proyecto Hombre" é un programa sen fins lucrativos.
- Aconfesional: o programa non é un grupo eclesial.
- Apartidista: o Programa non se coloca na área dos partidos políticos.
- Programa aberto a todos os mozos e mozas.
- Rexeita calquera tipo de violencia.
- O proceso terapéutico é voluntario.
- Dirixe a súa atención tamén ás familias.
O día 1 de outubro de 1990 abriuse a Escola de Formación para terapeutas de “Proyecto Hombre”.
A Asociación é propietaria da marca “Proyecto Hombre” e foi declarada de utilidade pública polo Goberno español o 29/12/1993.
Na actualidade, a Asociación está composta por 27 fundacións con máis de 200 centros repartidos en 15 Comunidades Autónomas de toda España que atenden cada ano a máis de 12.000 drogodependentes.
SEDE SOCIAL:
• C/Sánchez Díaz, 2-28027 Madrid.
• Tlf.: 91 357 16 84
• Correo-e: asociación@proyectohombre.es
• Páxina web: www.proyectohombre.es
REVISTA “PROYECTO”:
• Desde 10€ recibirás puntualmente 4 revistas no teu domicilio.
• Para recibila chama ao 91 357 01 04 ou envía un correo electrónico a info@projectehome.org
• Consulta online o último número da revista.
PROXECCION INTERNACIONAL
Proxecto Home Galicia é membro de pleno dereito da Asociación “Proyecto Hombre”, ONG de carácter consultivo especial ante o Consello Económico e Social das Nacións Unidas. Ademais, a nivel internacional participa en distintas redes ou organismos cos que colabora en distintos ámbitos:
• “Proyecto Hombre” é membro directivo da Federación Mundial de Comunidades Terapéuticas ( WFTC).
• A Rede Iberoamérica de Ongs. que traballan en drogodependencias (RIOD) é a única rede que reúne 59 Ong. dedicadas ao tratamento e prevención de toxicomanías en España e América Latina.
• A Federación Latinoamericana de Comunidades Terapéuticas (FLACT) consolídase en 20 países con máis de 500 programas afiliados.
• “Proyecto Hombre” tamén forma parte da European Network on Addictions (ENA), unha rede que reúne os profesionais de Proxecto Home en Italia, Portugal e España, e a organización grega KETHEA.
• En 2002 “Proyecto Hombre” pasou a formar parte da European Federation of Therapeutic Communities (EFTC).
